Skip to main content

YADDA AKE WANKAN GAWA

TUNATARWA

WANKAN GAWA DA YADDA AKE YINSA

FALALAR WANKAN GAWA

Al-Imam Hakim ya rawaito hadisi wanda Manzon Allah (s.a.w) yake cewa: ‘’Duk wanda ya wanke mamaci, kuma ya rufa masa asiri, Allah Zai gafarta masa sau arba’in.’’

A wani hadisin kuma Manzon Allah (s.a.w) Yace:

”Duk wanda ya wanke mamaci kuma yarufa masa asiri, to Allah zai tufatar dashi daga cikin tufafin Gidan Aljannah Kwarra, (wato Launin Tufafin).

SHARUDDAN WANKAN GAWA:

Daga cikin sharaddan wankan gawa sune:

{1}. Ana bukatar wadanda zasu wanke mamacin su zamanto makusantan sa misali: Iyaye. kanne ko yayyek “ya”yansa da sauransu).

{2}. Ana bukatar maza su jibinci wanke maza, suma mata su jibinci wanke mata (sai dai Miji zai iya wanke Matarsa haka ma Mace za ta iya wanke Mijinta).

{3}. Ba sharadi bane lallai sai anyi amfani da ruwan zafi.

YADDA AKE YIN WANKAN GAWA

Ana yin wankan gawa mara-mara ne misali:

    Sau Uku (3) ko
    Biyar(5) ko
    Bakwai(7) ko
    Tara(9).

Hakan ya tabbata daga Manzon Allah (s.a.w) a cikin hadisin Ummu Adiya (R.A).

Wadanda za su yiwa mamaci wanka su zasuyi la’akari suga wanka nawa yadace suyi masa.

Da farko dai kafin a fara wankan da akwai abubuwa guda Uku (3) da za’a fara yi wa mamacin.

Sune kamar haka:

{1}. Za’a cire masa suturar da take jikinsa, amma za’a sami dan kyalle a rufe masa al’aurarsa.

{2}. Bayan anyi abu na sama, sai kuma ayi masa tsarki, na bangaren mafuta biyu.
(Bawali da Gayadi).
{3}. Idan macece , za’a tsefe kitson da yake kanta, a wanke kan, sannan ayi Lallabi uku a kan ( wato Kalba guda Uku).
Sai a kwantar da Kalbar tayi bayan kan nata.Idan namiji mai kitso ne sai a warware kitson gaba daya.
YADDA AKE WANKA SAU UKU (3) Idan masu yiwa mamaci wanka sun zabi suyi masa wanka sau uku, to bayan sun gama abubuwan da suke sama saisu fara wankan. Da farko dai zasu tanadi ruwa kashi Uku (3), kowanne ruwa za'ayi wanka daya dashi. (RUWAN FARKO) Wannan wankan za'ayi wa mamacine wanka irin Wankan Janaba. Da farko za’a fara yiwa mamaci alwalane, kamar irin alwalar Sallah, sai dai wajen kuskurar baki da shakar hanci za’a shafa masa ruwane kawai a bakin da hancin. Bayan anyi masa alwala, sai kuma azuba ruwa a kansa a wanke masa har sau uku, sannan. kuma a wanke tsagin jikinsa na dama sannan na hagu. (RUWA NA BIYU) Bayan anyi masa wanka na sama wato na Janaba, sai kuma asami Sabulu ko Magarya ko Kanwa, a wanke mamacin dashi.
Wato za’a sami Soso da Sabulu a cuda jikinsa sosai (Kamar dai yadda ake wanka irin na Soso da Sabulu, saidai za’a iya amfani da Magarya ko Kanwa a maimakon Sabulun).
Bayan angama cuda shi sai a dauraye Kumfar da wannan ruwan. (RUWA NA UKU) Bayan anyi masa wanka na sama, wato na Soso da Sabulu, to sai kuma a sami ruwa na karshe wato na Uku a zuba Turare mai kamshi (Sosai) a ciki, sannan sai a wanke mamaci da shi.
Amfi son ayi amfani da Turaren Kafur, to amma idan ba’a same shiba to za’a iya amfani da duk wani Turare mai kamshi sosai. Bayan angama wankan Turaren, sai a tsane jikin mamacin asa masa Likkafani.
YADDA AKE YIN WANKA BIYAR (5), KO BAKWAI (7), KO TARA (9). Idan masu yi wa mamaci wanka sun zabi su yi masa wanka biyar (5), ko bakwai(7), ko tara(9). To wanka na biyu(2) wato na soso da sabulu shi za su yi ta maimaitawa. Amma dolene na Janaba shine a Farko, sannan na Turare shine a karshe.

MISALIN YADDA ZA AYI WANKAN SAU BIYAR (5).

{1}. Na farko shine na Janaba

{2}. Na biyu shine na soso da sabulu

{3}. Na uku shine na soso da sabulu

{4}. Na Hudu shine na Soso da Sabulu

{5}. Na Biyar shine na Turare.

YA UBANGIJI KASA MU CIKA DA IMANI AMIN.

Comments

Post a Comment

Popular posts from this blog

YADDA AKE TRANSFER CREDIT A MTN

YADDA AKE TURA KUDI A LAYIN MTN WATO CREDIT TRANSFER... Idan kanason ka tura kudi daga layinka na MTN zuwa layin wani, Kawai saikaje gurinda ake rubuta sako a wayarka. Ka rubuta; Transfer saika bada yar tazara saika rubuta lambar wamda zaka turawa saika kara bada tazara sai ka rubuta adadin kudin da zaka tura saika kara bada yartazara sai ka rubuta PIN dinka saka tura zuwa 777 idan ka tura zasu bukaci ka tura kalmar YES itama zuwa 777 shikenan. Misali kanason tura Naira100 zuwa 07036413851 To kawai saikaje wajen rubuta sakoa ka rubuta; Transfer 07036413851 100 0000 saika aika zuwa 777 *600*07036413851*100*0000# 0000 nan da ka gani shine PIN number ka kuma dolene ka canja shi daga 0000 kafin kayi transfer zuwa wasu lambobin guda hudu da kaikadaine ka sansu Ga yadda ake canjawar kaje wajen rubuta sako ka rubuta 0000 saika bad tazara ka rubuta lambobi hudu da kakeso su zama sababbin PIN dinka saika kara bada tazara ka sake rubuta sababbin PIN din, Misali ace 1234 ne kakeso a matsayin s
Post a Comment
Read more

Bayanin Alwala Da Sallah

.                *FARILLAN ALWALA*  Farillan alwala guda 7 neh: • Niyya • Wanke Fuska • Wanke hannaye zuwa gwiwar hannu • Shafar kai • Wanke kafafuwa  • Cuccudawa • Gaggautawa                   *SUNNONIN ALWALA* • Wanke hannaye zuwa wuyan hannu • Kurkure baki • Shaka ruwa  • Fyacewa  • Juyo da shafar kai • Shafar kunnuwa • Sabunta ruwa agaresu  • Jeranta tsakanin farillah               *MUSTAHABBAN ALWALA* • Yin bismillah  • Goga asuwaki • Kari akan wankewa ta farko a fuska da hannaye • Farawa daga goshi • Jeranta sunnoni  • Qaranta ruwa a nisa gabobi  • Gabatar da dama kafin hau.                *AKAN FASALIN ALWALA* • Wanda ya manta da wata farilla daga gabobinsa, idan ya tuno sai ya aikata ta da abunda ke bayanta, idan kuma yayi nisa sai ya aikata ta ita kadai, ya kuma sake abunda ya sallata bayan faruwar abun. • Idan kuma ya bar sunna, to saiya aikata ta ita kadai bazai sake sallah ba. • Wanda kuma ya mance
Post a Comment
Read more

KIMIYAR LANTARKI A SAUWAKE (1)

Kimiyar Lantarki A Sawwake (1) KIMIYYALANTARKI By Baban Sadik A yau za mu fara bincike na musamman kan abin da ya shafi kimiyyar lantarki da yadda makamashin lantarki ke samuwa, duk a mahangar kimiyya. Wannan shi ne kashi na daya mai dauke da mukaddima. A sha karatu lafiya. Mabudin Kunnuwa Bayan kwashe makonni sama da goma shabiyar muna amsa tambayoyi da yin bayani kan tsokacin masu karatu, a wannan mako dai na lura cewa idan muka ci gaba da amsa tambayoyi kadai, shafin na iya gudanuwa na tsawon lokaci ba tare da an tattauna wani abu ba; domin a duk mako tambayoyi na dada karuwa ne. Don haka naga dacewar dakatar da amsa tambayoyi. A yanzu sabon tsarinmu shi ne, za mu rika amsa tambayoyi ne bayan gama maudu’in da muka dauka; ko da kuwa zai kai mu makonni goma ne. Illa dai tabbacin da zan iya baiwa masu karatu shi ne, zan rika amsa tambayoyi ko bukatun masu neman kasida ko karin bayani na gaggawa ne ta Imel. Amma abin da ya shafi tsokaci, sai mun gama maudu’in da muka dauka
Post a Comment
Read more